[center]كان حلمنا فى كل يوم
إزاى نشوف بعضنا
وازاى يدوم حُبنا
وازاى نخلِّى لُقانا صُدفه
وهو قََصد
وازاى يكون هوانا جَد
وازاى نِعد
ساعات فُراقنا
واشتياقنا
اللى مالهوشى حَد
وازاى نِمد
البسمة
حَبل
شادد قُلوع الحُب شَد
كاتبين على قلعُه حروف
وحروف حبيبتى مالهاشى عَد
دلوقتى أصبح طريقنا سَد
دلوقتى تاهت مركبى فى بحور غريقه
مافهياش حَد
وانتى الدليل
والليل طويل
وعنيكى نور
قايده بحور الكون دا كله
بتهدى حِيرتى
وتمد جوه البحر يَد
تاخد بايدى
دلوقتى أصبح حلمنا مش حلم واحد
مش درب واحد
مش قلب واحد
أصبحتى لما بتشوفينى تهربى
وتقفلى كل الببان
وتقتلى الشوق كمان
وتزودى البعد صَد
وكل أملى إنى أفضل جوه قلبك
وكل أملى إنى اعيش واموت بحُبك
وكل أملى إنى اعيش عمرى بقُربك
وكل أملى إنى اكون حرف
بيطلع فى الكلام
من بين شفايفك
والسلام
وكل أملى إنى افضل للنهايه
نفسى اقولها بس خايف
نفسى اقولك:
مليون بحبك
حُب جَد
الشاعر محمد على
----------------------------------[b]
موضوع: حب جد -أول أعمالى على المنتدى 
السبت نوفمبر 07, 2009 7:22 am